Yəmənin hökumət qüvvələri Bab-əl-Məndəb boğazı yaxınlığında Zubab rayonunu husilərdən geri alıb.

Bu barədə Yəmən ordusu məlumat yayıb.

Bildirilib ki, bununla da Bəb-əl-Məndəbə gedən təminat yolları husilər üçün bağlanıb.

Səudiyyə Ərəbistanının başçılıq etdiyi hərbi koalisiya isə Yəməndə husilərin 300-dən çox mühüm hədəfini vurub.

Bu barədə "Al Jazeera" telekanalı məlumat yayıb.

"Biz qurudakı Yəmən silahlı qüvvələrinə gecə-gündüz hava dəstəyi göstəririk", - koalisiyanın birləşmiş qüvvələrinin nümayəndəsi, general-mayor Türki əl-Maliki "X" telekanalının efirində bildirib.

"Hərəkət edən hədəflərlə iş davam edir", - deyən hərbçi bu gün səhər 100-dən çox qırıcının "Yəmən şəfəqi" əməliyyatında iştirak etdiyini əlavə edib.