“Qərb bu qış Rusiya qazının olmaması səbəbindən enerji böhranı ilə üzləşəcək”.

Bu barədə Böyük Britaniyanın Kembric Universitetinin siyasi iqtisad elmləri üzrə professoru Helen Tompson “The Financial Times” nəşrinə yazdığı məqaləsində bildirib.

Onun sözlərinə görə, qışın gəlişi ilə Qərb siyasətçiləri çətin seçim etməli olacaqlar:

“Qərb enerji böhranından dəyən zərərin necə azaldılmasına qərar verməli olacaq. Eyni zamanda Asiya, Yaxın Şərq və Afrika dövlətləri artıq iqtisadi və siyasi problemlərlə üzləşiblər.

Bunun səbəbi iki struktur problemidir:

- Qlobal iqtisadiyyatın artımı getdikcə daha çox resurs tələb edir;

- Hazırda ölkələrin qalıq yanacaqlardan təmiz enerji mənbələrinə mümkün qədər tez keçmək üçün edə biləcəyi çox az şey var”.

Tompson qeyd edib ki, gələn qış bir növ “hesabat” dövrü olacaq:

“Qərb ölkələri ya demokratiyaya mənfi təsir göstərə biləcək irimiqyaslı iqtisadi problemlərlə barışmalı, ya da “enerji təchizatının Ukraynaya özünü müdafiə etməsinə kömək edə biləcək vasitələrə əhəmiyyətli məhdudiyyətlər qoyduğunu” etiraf etməli olacaqlar”.