Almaniyanın sabiq baş məşqçisi Yurgen Klinsmann Qətərdə keçiriləcək dünya çempionatının favoritlərini açıqlayıb.

Onun sözlərinə görə, bu gün üçün ən yaxşı şans Argentina və Braziliyadadır.

“Bunlar çox motivasiyalı və Qətərdə uğur qazanmağa can atan komandalardır. Ardınca İngiltərə, İspaniya, Fransa, Almaniya və Portuqaliya gəlir. Ancaq şübhəsiz ki, onlar üçün Cənubi amerikalıları məğlub etmək çox çətin olacaq”, - deyə Klinsman bildirib.

Xatırladaq ki, 2022-ci il dünya çempionatı noyabrın 20-dən dekabrın 18-dək Qətərdə keçiriləcək.