NATO ölkələri Rusiya, Çin və Şimali Koreyadan gələn təhdidlərə görə nüvə silahlarının hazır vəziyyətə gətirilməsinə dair məsləhətləşmələrə başlayıb.

Bu barədə NATO-nun baş katibi Yens Stoltenberq “The Telegraph” qəzetinə müsahibəsində bildirib.

Stoltenberqin sözlərinə görə, hazırda NATO-ya üzv ölkələr daha çox nüvə silahının yerləşdirilməsi ilə bağlı danışıqlar aparır. Raketlərin anbarlardan çıxarılması və gözləmə rejiminə keçirilməsi müzakirə edilir. Eyni zamanda, Stoltenberq neçə nüvə başlığının hazır vəziyyətdə olması lazım olduğunu dəqiqləşdirməyib.

“Əlbəttə, NATO-nun məqsədi nüvə silahı olmayan bir dünyadır, lakin nüvə silahı var olduqca, biz nüvə ittifaqı olaraq qalacağıq, çünki Rusiya, Çin və Şimali Koreyanın nüvə silahına malik olduğu, NATO-nun isə olmadığı bir dünya daha təhlükəli bir dünyadır”, - deyib.

NATO-nun baş katibi həmçinin bildirib ki, Çin xüsusilə müasir silahlara, o cümlədən nüvə arsenalına böyük sərmayələr yatırır. Onun sözlərinə görə, 2030-cu ilə qədər onların sayı min döyüş başlığına çatacaq.

“Və bu, o deməkdir ki, yaxın gələcəkdə NATO iki potensial nüvə düşməni ilə qarşılaşa bilər – təbii ki, bunun nəticələri olacaq”, – Stoltenberq bildirib.

İyunun 17-də Stokholm Beynəlxalq Sülh Araşdırmaları İnstitutunun (SIPRI) dünyada nüvə silahı ilə bağlı hesabatı açıqlanıb. Hesabatdan belə nəticə çıxır ki, son bir ildə bütün doqquz nüvə dövləti (ABŞ, Rusiya, Çin, Fransa, Böyük Britaniya, Hindistan, Pakistan, İsrail və Şimali Koreya) öz arsenallarını genişləndirib və operativ şəkildə yerləşdirilən nüvə silahlarının sayı artıb.

Hesabat göstərir ki, 2024-cü ilin əvvəlində doqquz dövlət ümumilikdə 12 121 nüvə başlığına malik olub. Onlardan 9.5 mindən çoxu potensial istifadəyə yararlı idi. Yerləşdirilmiş döyüş başlıqlarından təxminən 2100-ü ballistik raketlərdə bağlı yüksək hazırlıq vəziyyətində idi. Bu silahların demək olar ki, hamısı Rusiya və ABŞ-a məxsus idi. Hesabatda bildirilir ki, Çin də keçən il ilk dəfə yüksək hazırlıq vəziyyətində olan bir neçə nüvə başlığı əldə edib.

Mütəxəssislərin fikrincə, Soyuq Müharibədən bəri nüvə silahları indiki kimi heç vaxt belə aparıcı rol oynamayıb.

2024-cü ilin mayında Rusiya qeyri-strateji nüvə qüvvələrinin Belarusla birgə təlimlərini keçirib. Bu təlimlərin ikinci mərhələsi isə iyun ayında başlayıb. Daha sonra Kreml bəyan edib ki, təlimlərin keçirilməsinə NATO-ya üzv dövlətlərin nümayəndələrinin Qərb ölkələrindən Ukraynaya hərbçilərin göndərilməsinin mümkünlüyü ilə bağlı son bəyanatları səbəb olub.

2023-cü ilin oktyabrında Vladimir Putinin rəhbərlik etdiyi Rusiyanın strateji nüvə qüvvələri təlimlərə təlimlər zamanı düşmənin nüvə zərbəsinə cavab olaraq kütləvi nüvə hücumu məşq edilib. Təlim zamanı ballistik və qanadlı raketlərin praktiki buraxılışları həyata keçirilib.

Rusiya prezidenti Vladimir Putin Sankt-Peterburq İqtisadi Forumu çərçivəsində Rusiyanın nüvə doktrinasının dəyişdirilməsini istisna etməyib. Putin “nüvə silahını tıxandırmaq fikrində olmadığını” söyləyib, lakin sonradan Avropanın bu məsələdə müdafiəsiz olduğunu qeyd edib. Bununla belə, Rusiya prezidenti əlavə edib ki, o, nüvə zərbələrinə heç zaman gərək olmayacağı qənaətindədir.

Turqut