Almaniyada keçirilən futbol üzrə Avropa çempionatının qrup mərhələsinin B qrupunda III turun oyunları görüşü başa çatıb.

Albaniya - İspaniya qarşılaşması ispanların 1:0 hesablı qələbəsi ilə yekunlaşıb.

Daha əvvəldən 1/8 finala vəsiqəni təmin edən ispanlar B qrupundakı xallarının sayını 9-a çatdıraraq maksimum nəticə göstəriblər.

Xorvatiya - İtaliya görüşü isə 1:1 hesablı heç-heçə ilə yekunlaşıb.

Qarşılaşmada hesabı xorvatlardan 55-ci dəqiqədə Luka Modriç açıb. İtaliyanların bərabərlik qolu isə 90+ 8-ci dəqiqədə gəlib. Mattia Cakkani fərqlənib.

Son dəqiqədə vurulan qol sayəsində xallarının sayını 4-ə çatdıran İtaliya millisi qrupda ikinci yeri tutaraq 1/8 finala vəsiqə qazanıb.