Türkiyə Prezidenti Rəcəb Tayyib Ərdoğan Türkiyədə prezident və parlament seçkilərinin əvvəlcədən müəyyən olunduğu vaxtda keçiriləcəyini bildirib.

Bunu Türkiyə Prezidenti rəhbərlik etdiyi Ədalət və İnkişaf Partiyasının (AK Partiya) genişləndirilmiş iclasında çıxış edərkən deyib.

“Hələ də “erkən seçkilər, erkən seçkilər” deyirlər. Erkən seçki olmayacaq, 2023-cü ilin iyununda keçiriləcək seçkilərdə həm yenidən prezident olmaq uğrunda mübarizəmizi qazanacağıq, həm də partiyamız parlamentdə çoxluğu əldə etməklə daha bir rekord əldə edəcək”, - deyə Türkiyə Prezidenti bildirib.(APA)