“Dünyada hər il 700 mindən çox insan antibiotik preparatlarına qarşı dayanıqlılığı üçün həyatını itirir”.

Bunu Səhiyyə Nazirliyinin İctimai səhiyyə və sanitariya-epidemioloji nəzarəti şöbəsinin müdiri Nəzifə Mürsəlova Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş dəyirmi masada deyib.

O bildirib ki, nəticədə milyonlarla vəsait məhz antibiotik preparatlara dayanıqlılığa görə iqtisadi itkiyə yol açır: “Yeni növ koronavirus pandemiyası antibiotik preparatlarından istifadənin azaldılmasının vacibliyini bir daha gündəmə gətirib. Antibiotiklərdən pərakəndə istifadə acı fəsadlara səbəb olur. Aiddiyəti qurumlar arasında təşkil edilən bu cür görüşlər antibiotiklərin pərakəndə istifadəsi probleminin həlli üçün vacibdir".