Rusiya Federasiyasının tammiqyaslı hücumu başlayandan bu günə kimi Ukrayna Silahlı Qüvvələri düşmənin beş ümumqoşun ordusunu məhv edib.

UNİAN-a istinadən xəbər verir ki, bu barədə Ukrayna Prezidenti Ofisi rəhbərinin müşaviri Aleksiy Arestoviç bildirib.

Onun sözlərinə görə, Ukrayna əsgərləri düşmənin 1 730 tankını və 3 950 zirehli texnikasını məhv edib. Bunlar müvafiq olaraq təxminən 54 və 124 batalyon komplektləridir.

"İndi məlum olur ki, biz Ukraynada 35 motoatıcı alayı və 10 tank alayını tamamilə məhv etmişik. Bu, 10 motoatıcı diviziyası və ya 5 birləşmiş silahlı ordudur. Rusiya Federasiyasında mövcud olan 10 birləşmiş silahlı ordudan beşi burada dəfn edilib", - Arestoviç bildirib.

Ukrayna Silahlı Qüvvələrinin Baş Qərargahının məlumatına görə, müharibə başlayandan bəri Rusiya Silahlı Qüvvələrinin 39 870 hərbçisi məhv edilib.

Bildirilib ki, Rusiya Silahlı Qüvvələrinin digər döyüş itkiləri 1 737 tank, 3 959 zirehli döyüş maşını, 880 artilleriya sistemi, 258 reaktiv yaylım atəşi sistemi, 117 hava hücumundan müdafiə sistemi, 222 təyyarə, 189 helikopter, 722 PUA, 174 qanadlı raket, 15 gəmi, 2 835 avtomobil texnikası və avtosistern, 75 xüsusi texnikadan ibarətdir.

Məlumata görə, Rusiya ən çox itkini Donetsk vilayətinin Krivorojsk və Baxmut şəhəri istiqamətində verib.