Bolqarıstanın hazırkı rəhbəri Rumen Radev prezident seçkilərində qalib gəlib.

O, seçkilərin ikinci turunda seçicilərin 66,72% səsini qazanıb.

Mərkəzi Seçki Komissiyasında bildirilib ki, artıq səslərin 100%-i hesablanıb. R. Radevin rəqibi, Sofiya Universitetinin rektoru Anastas Gercikov 31.80% səs toplayıb.

Vitse-prezident postunu isə İliya Yotova qazanıb.

Seçici fəallığı 24.12% təşkil edib.

Qeyd edək ki, Bolqarıstanda prezident seçkilərinin ilk turu noyabrın 14-də keçirilib. İlk turda 23 namizəddən heç biri 50% səs toplaya bilməyib. Birinci turda R. Radev 49,42, A. Gercikov isə 22,83% səs toplaya bilmişdi.

İkinci tur noyabrın 21-də keçirilib.