İsveç Baş naziri Maqdalena Andersson ölkəsinin Türkiyənin narahatlığını ciddiyə aldığını və həll yolu üçün Finlandiya ilə birlikdə çalışdıqlarını bildirib.

Maqdalena Andersson bu haqda paytaxt Stokholmda NATO-nun baş katibi Yens Stoltenberq ilə birgə mətbuat konfransında danışıb.

Andersson, “Türkiyənin narahatlığını ciddi qəbul edirik və Finlandiya ilə birlikdə onları həll etməyə çalışırıq. NATO və onun üzv dövlətlərinə təklif edəcəyimiz çox şey var. İsveç və Finlandiya Türkiyənin də daxil olduğu NATO ölkələrinin təhlükəsizliyinə töhfə verəcək” deyib.