Rusiyanın İrkutks vilayətində vəba xəstəliyinin aşkarlanması barədə məlumat yayılıb.

Bu barədə yerli mətbuat və Telegram kanalları məlumat yayıb.

Məlumat görə, Vəba ilə Mübarizə İnstitutunun laboratoriya texniki olan 28 yaşlı Darya Şipilova ötən həftə İrkutskın peyk şəhəri olan Şelexovda vəfat edib. O, 29 sentyabrda xəstəxanaya yerləşdirilib və iki gün sonra vəfat edib. O zaman mediada baş verənlərin iki versiyası təqdim olunub.

Bir versiyada Şipilovanın Taylanddan qayıtdıqdan sonra pnevmonik vəba ilə qəbul edildiyi iddia edilir. Digər versiyada isə onun təsadüfən vəba patogeni olan sınaq borusunu sındırdığı iddia edilir.

4 oktyabrda "Baykalın insanları" nəşri İrkutskdakı bir neçə xəstəxananın üç həftəlik karantin tətbiq etdiyini yazıb. 1, 3, 10 nömrəli şəhər klinik xəstəxanaları və İvano-Matreninskaya Uşaq Xəstəxanası bağlanıb. Doğuş edən qadınlardan birinin ailəsi tərəfindən nəşrə bildirikib ki, İrkutsk doğum evlərindən birində də karantin tətbiq edilib.

Nəşrin səhiyyə sektorundakı mənbəyinə görə, İrkutsk həkimləri "artıq açıq şəkildə vəba haqqında danışırlar", lakin diaqnoz xəstəxanaların sənədlərinə daxil edilməyib. "Baykalın insanları" öz mənbəyinə istinadən "Pnevmonik vəba üçün seçici karantin tətbiq olunmur - bütün tibb müəssisələri üçün eyni vaxtda məhdudiyyətlər tətbiq olunur" deyə məlumat yayıb.

Nəşrdən qısa müddət sonra Rospotrebnadzor (İstehlakçı Hüquqlarının Müdafiəsi və İnsan Rifahı üzrə Federal Nəzarət Xidməti) bəyanat yayıb. Xidmət "İrkutsk vilayətində və İrkutsk və Şelexov şəhərlərində sanitar-epidemioloji vəziyyətin sabit olduğunu" bildirib və həmçinin "xüsusi tədbirlər kompleksinib"nin təşkili və həyata keçirilməsi barədə məlumat verib.

Qeyd olunub ki, sonuncu hadisə İrkutsk Vəba ilə Mübarizə İnstitutunun "naməlum etiologiyalı pnevmoniya" xəstəliyinə yoluxmuş işçisinin işi ilə əlaqədar baş verib. Rospotrebnadzor xüsusilə vurğulayıb ki, ölən qadının bədənində "peşə fəaliyyəti ilə əlaqəli heç bir mikroorqanizm" aşkar edilməyib.

Rospotrebnadzor institutda patogen mikroorqanizmlərlə bağlı heç bir hadisənin baş vermədiyini iddia edir.

Eyni zamanda, İrkutsk regional hakimiyyəti xəstənin ölümünü və ya hər hansı mümkün vəba halını açıqlamayıb. 2 oktyabrda qubernator İqor Kobzev Rusiyanın Baş Sanitar Həkimi Anna Popova ilə görüş keçirdiyini açıqlayıb və səbəb kimi "region sakininin xüsusilə təhlükəli infeksiyaya yoluxması ilə bağlı şübhəli hal haqqında məlumatı" göstərib.

3 oktyabrda Şelexovdakı İrkutsk Alüminium Əritmə Zavodunda maska ​​taxmaq məcburiyyəti tətbiq edilib. Əritmə zavodunun direktoru Artem Fominıx bunu profilaktik tədbir adlandırıb.

İrkutska onşu Buryatiyanın rəhbəri Aleksey Tsydenov "İrkutsk vilayətindəki vəbadan ölən qadının Buryatiyaya gəlmədiyini" yazıb. Daha sonra paylaşım "qadının vəbadan öldüyü ehtimal olunur" şəklində redaktə edilib.

3 oktyabrda İrkutsk vilayətinin Baykalsk şəhərinin administrasiyası "Şelexov şəhərində bir şəxsin vəbaya yoluxması ilə bağlı qeyri-rəsmi məlumatlara görə" insanları Şelexova getməməyə çağırıb və daha sonra paylaşımı silib. Federal kanal REN TV həmçinin sosial mediadan Şelexovda vəbanın yayılmasından bəhs edən beş paylaşımı silib.

Yerli medianın yazdığına görə, ötən həftə şəhər sakinləri küçələrdə qoruyucu kostyum, maska ​​və əlcək geyinmiş insanları görüblər.

"Baykalın insanları" nəşrinin yazdığına görə, oktyabrın 1-dən etibarən Şipilova ilə təmasda olan insanlardan analiz götürülüb. "İzvestiya" oktyabrın 2-də 197 nəfərib karantinə alındığını açıqlayıb. Rospotrebnadzor onlarda xəstəliyin heç bir əlamətinin aşkarlanmadığı haqqında məlumat yayıb.