Ukrayna rəhbərliyi prezident seçkilərinin keçirilməsinə razılıq verib.

Bu barədə ABŞ Prezidentinin xüsusi elçisi Stiven Uitkoff amerikalı jurnalist Taker Karlsona müsahibəsində bildirib.

Sonuncu Rusiya tərəfinin “Ukraynanın hazırkı lideri seçilməyib və buna görə də bu ölkə ilə razılaşma bağlamaq mümkün deyil” mövqeyini səsləndirib.

“Sizcə, Ukraynada seçkilər keçiriləcəkmi?”, – jurnalist soruşub. “Bəli, onlar keçiriləcək. Onlar [Ukrayna rəhbərliyi] artıq buna razılıq veriblər. Ukraynada seçkilər keçiriləcək”, – Uitkoff cavab verib.

O həmçinin qeyd edib ki, növbəti həftə ərzində Qara dənizdə döyüş əməliyyatlarının dayandırılması haqqında saziş qüvvəyə minə bilər.

“Ukrayna Rusiya gəmilərini atəşə tutur, Rusiya Ukrayna gəmilərini atəşə tutur. İndi biz buna keçmişik və bu, növbəti həftə və ya təxminən o vaxt həyata keçiriləcək. Müzakirə edilməli bəzi təfərrüatlar var, lakin bu, söhbətin bir hissəsinə çevrilib. Bu vacibdir. Əslində, çox vacibdir”, – diplomat vurğulayıb.