Türkiyəyə məxsus yanğınsöndürən təyyarə qəzaya uğrayıb. 

Türkiyə KİV-lərinin məlumatına görə, qəza nəticəsində pilot ölüb.

Təyyarə təxminən 5 min fut yüksəklikdə bulud qatına daxil olduğu zaman qəza baş verib. Əlverişsiz hava şəraiti səbəbindən Zaqreb hava limanına enə bilməyən təyyarə istiqamətini dəyişib.

Nazirlik rəsmiləri təyyarənin texniki baxım məqsədilə Xorvatiyaya göndərildiyini bildirib.
Hadisə ilə bağlı araşdırma davam edir.