Tel-Əviv yaxınlığında 3 avtobus partlayıb.

"Ynet" portalı xəbər ki, partlayışlar və sonrakı yanğınlar nəticəsində xəsarət alan olmayıb.

Hüquq-mühafizə orqanlarının əməkdaşları avtobuslara yerləşdirilmiş daha iki partlayıcı qurğu da aşkar ediblər.

Partlayıcı qurğuların çəkisi təxminən 5 kq-dır.

Hazırda hüquq-mühafizə orqanlarının əməkdaşları partlayışlarda şübhəli bilinən şəxslərin axtarışını davam etdirir.

İsrailin Baş naziri Benyamin Netanyahu Təl-Əviv ətrafında avtobuslarda törədilən silsilə partlayışlardan sonra Fələstin Muxtariyyətində böyük əks-terror əməliyyatı keçirməyi əmr edib.

Netanyahu həmçinin təhlükəsizlik qüvvələrinə İsrail şəhərlərində gələcək mümkün hücumlara qarşı qabaqlayıcı tədbirləri gücləndirməyi əmr edib.