Rusiya İkinci Dünya Müharibəsinin başa çatması ilə bağlı Qələbə bayramında Moskvada qənumət kimi götürülmüş Britaniya zirehli texnikası ilə birlikdə böyük miqdarda NATO texnikasını nümayiş etdirəcək.

Rusiya Müdafiə Nazirliyindən verilən məlumata görə, bir ay davam edəcək sərgidə 12 ölkədən 30 müxtəlif texnika, o cümlədən Almaniyanın “Leopard 2” tankları və Ukraynanın döyüş meydanlarında ələ keçirilmiş Amerikanın “Bradley” piyada döyüş maşınları nümayiş etdiriləcək.

Sosial mediada yerləşdirilən, Qərb avadanlıqlarının düzüldüyünü əks etdirən görüntülərdə Böyük Britaniyanın hədiyyə etdiyi “Mastiff” və “Husky” zirehli maşınları Britaniya və NATO bayraqları ilə bəzədilib.

Rus əsgəri Ukraynada əsir götürülən “British Mastiff” zirehli maşınına baxır – “Getty Images”

Rusiya mənbələri tərəfindən yayılan təsdiqlənməmiş videoda həmçinin iddia olunur ki, bu yaxınlarda Ukraynanın Avdeyevka şəhəri yaxınlığındakı döyüşlərdə ələ keçirilən ABŞ istehsalı “Abrams” əsas döyüş tankının qalıqları nümayiş olunmaq üçün Moskvanın Qələbə parkına daşınır.

Qələbə Parkı Rusiya paytaxtında İkinci Dünya Müharibəsi zamanı nasist Almaniyasının məğlubiyyətinin xatirəsinə açılan açıq səma altında muzeydir.

Lakin son illərdə bu, Rusiyanın Ukraynaya təcavüzünə verilən qiymətə çevrilərək, onun "Ukraynalı yaraqlılara və onların Qərb himayədarlarına qarşı mübarizədə" iddia edilən uğurlarını qeyd edib.

Rusiya Müdafiə Nazirliyi bildirib ki, yeni sərgidə “xarici orduların maşınları və atıcı silahları, döyüş sənədləri, xəritələr, ideoloji ədəbiyyat və texnika” nümayiş etdiriləcək.

Sərgidə nümayiş etdiriləcək digər maşınlar arasında İsveçin “CV90” döyüş maşını, Fransanın “AMX-10” mini tankı və 2015-ci ildə Kiyevə hədiyyə edilmiş Britaniyanın “Sakson” zirehli personal daşıyıcısı var.

Rusiyanın hərbi telekanalı “Zvezda”nın müxbiri ələ keçirilən Almaniya istehsalı “Marder” döyüş maşınının vəziyyətini yüksək qiymətləndirərək deyib: “O, demək olar ki, mükəmməl vəziyyətdədir, lakin zərbələrdən kiçik əzikləri görə bilərsiniz".

Oxşar tədbir keçən il Moskva yaxınlığındakı “Patriot” Parkında keçirildi, burada Rusiya da Ukraynanın yay əks-hücumları zamanı itirdiyi bir sıra Qərb hərbi texnikasını nümayiş etdirdi.

Sərgidə “M113” zirehli transportyorları nümayiş etdirilir

Sərgidə daha əvvəl bu il də nümayiş etdiriləcək ABŞ istehsalı “M113” zirehli transportyorları və zədələnməmiş qanadlı raket nümayiş etdirilib.

“The Telegraph” builki sərgidə nümayiş etdirilən avadanlığın bu yaxınlarda ələ keçirildiyini təsdiqləyə bilmir.

ABŞ rəsmiləri bildiriblər ki, Ukrayna ordusu bu yaxınlarda təsdiqlənmiş beş itkidən sonra “Abrams” tanklarından ibarət donanmasını cəbhə xəttindən geri çəkib.

Amerika tanklarını idarə edən yeganə bölmə olan Ukraynanın 47-ci briqadası bu iddianı təkzib edib.

Rusiya dövlət mediası “Abrams”a bənzər tankın qalıqlarını lentə alıb, onun tırtılları qoparılıb, gövdəsi sovet dövründən qalma tankla çəkilir.

Kreml yönümlü mənbələr onun bayram tədbiri çərçivəsində Moskvaya aparıldığını irəli sürüblər.

Tankın həftə sonu Ukrayna qoşunlarının geri çəkildiyi Avdeyevkanın qərbində yerləşən Berdiçi kəndi uğrunda son döyüşdən sonra ələ keçirildiyi bildirilir.

Ukrayna həmçinin məhv edilmiş Rusiya tanklarını Kiyevin mərkəzində nümayiş etdirib, lakin onun silahlı qüvvələri ələ keçirilən texnikanı adətən döyüş meydanında istifadə etmək üçün yenidən təchiz edir.