Bakı şəhəri, Nizami rayonunda yerləşən Neft Emalı Zavodunun ərazisində yanğın olub.

Bu barədə Fövqəladə Hallar Nazirliyi (FHN) məlumat yayıb. 

Dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub. Nazirlikdən bildirilib ki, yanğının genişlənməsinə imkan verilmədən qısa müddətdə məhdudlaşdırıb, daha sonra tam söndürülüb. 

Əraziyə polis əməkdaşları və 3 təcili tibbi yardım briqadası cəlb olunub.