İsrail Müdafiə Qüvvələri (IDF) İranın Ali Milli Təhlükəsizlik Şurasının katibi Əli Laricaninin öldürüldüyünü rəsmən elan edib.

IDF-in açıqlamasında deyilir ki, İsrail Hərbi Hava Qüvvələri kəşfiyyat məlumatları əsasında və unikal əməliyyat bacarıqlarının istifadə edərək İranın Ali Milli Təhlükəsizlik Şurasının katibi Əli Laricani Tehran yaxınlığında olarkən dəqiq zərbə endirib.

Əli Laricaninin “İran rejiminin rəhbərliyində ən təcrübəli və yüksək rütbəli şəxslərdən biri hesab olunduğu” bildirilib.

Qeyd edilib ki, Laricani İranın sabiq Ali Rəhbəri Ayətullah Seyid Əli Xameneinin yaxın tərəfdaşı olub.

Açıqlamada o da qeyd edilib ki, Xameneinin öldürülməsindən sonra Laricani öz mövqeyini İran rejiminin de-fakto lideri kimi möhkəmləndirib və İsrail Dövlətinə, eləcə də region ölkələrinə qarşı hücumlara rəhbərlik edib.

IDF bildirir ki, Laricani rolunun bir hissəsi olaraq, rejimin milli təhlükəsizlik fəaliyyətinin koordinasiyasına rəhbərlik edib və rejimin “Müqavimət oxu”nun üzvləri ilə əlaqələri də daxil olmaqla onun beynəlxalq fəaliyyətini istiqamətləndirib: “Laricani İran rejiminə qarşı keçirilən son etiraz aksiyalarının zorakılıqla yatırılmasına və şəxsən iranlı etirazçılara qarşı aparılan qırğına nəzarət edib”.

***

13:29

İranın Ali Milli Təhlükəsizlik Şurasının katibi Əli Laricani öldürülüb.

APA xəbər verir ki, bu barədə İsrailin müdafiə naziri İsrael Katz bildirib.

Katz "Kanal 12" telekanalına İranın Ali Milli Təhlükəsizlik Şurasının katibi Əli Laricaninin öldürüldüyünü təsdiqləyib.

Müdafiə naziri qeyd edib ki, Əli Laricani gecə İsrailin İrana endirdiyi hava zərbəsi nəticəsində öldürülüb.

İranın Ali Milli Təhlükəsizlik Şurasının katibi Əli Laricani öldürülüb.

Bu barədə İsrailin müdafiə naziri İsrael Katz bildirib.

Katz "Kanal 12" telekanalına İranın Ali Milli Təhlükəsizlik Şurasının katibi Əli Laricaninin öldürüldüyünü təsdiqləyib.

Bundan başqa o, "Bəsic"in rəhbərinin öldürdüyü barədə də məlumat verib.

Qeyd edək ki, İsrail Hərbi Hava qüvvələri marıtn 17-də gecə İrana yeni zərbələr endirib. Bu zərbələrdən birinin hədəfinin Əli Laricani olduğu qeyd edilir.