İranın mərkəzində yerləşən İsfahan əyalətində partlayış baş verib.

Bu barədə "Fars" agentliyi xəbər yayıb.

Məlumata görə, partlayış vilayətin şimal-şərqində, İsfahan beynəlxalq hava limanı və ordunun hərbi hava qüvvələri bazası yaxınlığında baş verə bilərdi.

Bundan əvvəl ABC telekanalı amerikalı rəsmiyə istinadən İsrailin İrandakı obyektə raket hücum təşkil etdiyini bildirmişdi.

Amerikalı yüksək rütbəli məmur İsrail raketlərinin İranın İsfahan şəhərindəki obyekti hədəf aldığını ABC telekanalına təsdiqləyib. Bu, regionda gərginliyin artmasına gətirib çıxarıb və mümkün qisasla bağlı narahatlığa səbəb olub.

Hücum cümə günü gecə başlayıb. Səhər saat dördə yaxın  İsfahan ərazisində güclü partlayışla bağlı xəbərlər gəlməyə başlayıb. İran hakimiyyəti insident faktını ehtiyatla etiraf edərək İsrailin əli olmasının mümkünlüyünə işarə edib və partlayışın başvermə şəraitinin  aydınlaşdırılması üçün araşdırmanın  davam etdiyini deyib.

Eyni zamanda İraq Bağdadda İranpərəst qruplaşmaların liderlərinin görüşlərini keçirmək üçün istifadə olunan binaya raket hücumunun olduğunu bildirib. Bundan əlavə, Suriyanın cənubunda Daraa əyalətində radar bazasının raket atəşinə tutulması barədə təsdiqlənməmiş məlumatlar yayılıb.

CNN İranın hava məkanı üzərində uçuş marşrutlarında sapmaların olduğunu bildirib. Nəticədə Tehran, İsfahan və daha sonra İrana uçuşlar yenidən yönləndirilib. Bildirilib ki, İsfahan yaxınlığında partlayış yerli aeroportun yanında baş verib ki, bu da Tehran beynəlxalq hava limanının bağlanmasına və sərnişinlərin təxliyəsinə səbəb olub.

Vəziyyətin gərginləşməsi fonunda İran Ali Hərbi Şurası çağırılıb, Kiriyada isə hərbi kabinetin iclası keçirilib. Lakin İsrail İranda baş verən partlayışlarla barədə susub.

Bloomberg İnformasiya Agentliyinin məlumatına görə, bundan əvvəl İsrail rəsmi şəxsləri növbəti 24-48 saat ərzində İranın hücumuna cavab vermək niyyətində olduqlarını ABŞ-a bildiriblər ki, bu da mümkün eskalasiya ilə bağlı narahatlığı artırıb.

Yerli vaxtla saat 06:00-da İranın rəsmi informasiya agentliyi bəyan edib ki, hücum nəticəsində ölkənin İsfahandakı nüvə obyektlərinə ziyan dəyməyib. ABŞ nümayəndəsi CNN-ə bildirib ki, İsrail həqiqətən zərbə endirsə də, məqsəd mahiyyətcə nüvə olmayıb.