Xəbər verdiymiz kimi, Prezident İlham Əliyev Dövlət Gömrük Komitəsinin sədri Səfər Mehdiyevi tutduğu vəifədən azad edib.

Bu gün isə DGK-nın sədri təyin olunanadək həmin vəzifənin müvəqqəti icrası DGK sədrinin birinci müavini Şahin Soltan oğlu Bağırova həvalə edilib.

Gömrük Komitəsi yaradıldığı gündən ona sədrlik etmiş şəxslərin siyahısını təqdim edirik.

1992-ci il yanvarın 30-da yaradılan Gömrük Komitəsinə həmin gün Maqsud Məmmədov sədr təyin olunub.

1992-ci il iyunun 4-də sədr postuna Tofiq Kərimov gətirilib.

1992-ci il oktyabrın 5-də İbrahim Vəliyev sədr vəzifəsinə təyinat alıb.

1993-cü il iyulun 30-da Dövlət Gömrük Komitəsinin sədri postuna Tahir Əliyev keçib.

1995-ci il yanvarın 17-dən 2006-cı il fevralın 6-dək sədr postunda Kəmaləddin Heydərov xidmət edib.

2006-cı il fevralın 6-dan Aydın Əliyev sədr olub.

2018-ci il aprelin 23-dən 2022-ci il iyulun 16-dək sədr postunu Səfər Mehdiyev tutub.

2022-ci il iyulun 18-də Dövlət Gömrük Komitəsi sədrinin birinci müavini təyin edilən Şahin Bağırov sədr vəzifəsinin müvəqqəti icraçısı sayılır.