Çin prezidenti Si Cinpin, San-Fransiskoda keçirilən son görüş zamanı prezident Co Baydenə Pekinin Tayvanı materik Çinlə birləşdirəcəyini söyləyib. Lakin qrafik hələ müəyyən edilməyib.

Si, ABŞ və Çin rəsmilərinin iştirak etdiyi qrup toplantısında Baydenə Çinin Tayvanı güc yolu ilə deyil, sülh yolu ilə almağa üstünlük verdiyini söylədi.

Çin lideri, həmçinin Pekinin Tayvanı 2025 və ya 2027-ci ildə almağı planlaşdırdığını söyləyən ABŞ hərbi liderlərinin ictimai proqnozlarına istinad edərək, Baydenə səhv etdiklərini söyləyib.

Çin rəsmiləri Baydenin görüşdən sonra ABŞ-ın Çinin Tayvanla sülh yolu ilə birləşmə hədəfini dəstəklədiyi və Tayvanın müstəqilliyini dəstəkləmədiyi barədə ictimaiyyətə açıqlama verməsini istəyiblər. Ağ Ev Çinin xahişini rədd edib.