Pekin Vaşinqtonun Çin mallarına rüsumları artırmasını qəti şəkildə pisləyir, onun maraqlarını və hüquqlarını qorumaq üçün əks tədbirlər görəcəyini vəd edir.

Bu barədə Çin Xalq Respublikasının Ticarət Nazirliyinin ABŞ prezidenti Donald Trampın rüsumların artırılması ilə bağlı qərarına cavab olaraq verdiyi bəyanatda deyilir.

“Çin buna qəti şəkildə qarşı çıxır və biz öz hüquq və maraqlarımızı qorumaq üçün qətiyyətlə əks tədbirlər görəcəyik”, - nazirliyin saytında dərc olunan bəyanatda deyilir.

Polşanın baş naziri Donald Tusk da Avropa İttifaqını ABŞ-nin təşkilatın mallarına tətbiq etdiyi tariflərə adekvat cavab verməyə çağırıb. O, bu barədə "X" hesabında yazıb.

"Dostluq tərəfdaşlıq deməkdir. Tərəfdaşlıq real və həqiqi qarşılıqlı vəzifələr deməkdir. Adekvat həllər lazımdır", - baş nazir qeyd edib.