Ağ Ev administrasiyası COVID-19 virusunun laboratoriya mənşəli olması versiyasını dəstəkləyən arqumentlərin yer aldığı materiallar dərc edib.

Müvafiq internet səhifəsi Ağ Evin rəsmi saytında yerləşdirilib.

Dərc edilmiş materiallara əsasən, törədici vəhşi təbiətdəki təbii ştammlarda rast gəlinmədiyi iddia edilən bioloji xüsusiyyətə malikdir.

Sənədlərdə qeyd olunur ki, virusun təbii mənşəli olmasına dair sübutlar mövcud olsaydı, onlar artıq dərc edilərdi, lakin müəlliflərin iddiasına görə, bu baş verməyib.

Materiallarda həmçinin bildirilir ki, Uhanda koronavirusların tədqiqi üzrə Çinin aparıcı laboratoriyası yerləşir, burada biotəhlükəsizliyin qeyri-kafi səviyyəsində virusların funksiyalarının gücləndirilməsi üzrə eksperimentlər aparılıb. Bundan əlavə, iddia olunur ki, Uhan Virusologiya İnstitutunun əməkdaşları guya hələ 2019-cu ilin payızında - ilk rəsmi qeydə alınmış xəstəlik hallarının aşkar edilməsindən bir neçə ay əvvəl xəstələniblər