ABŞ dövlət katibinin siyasi məsələlər üzrə müavini Elison M. Huker bu həftə Azərbaycana səfər edəcək.

Bu barədə ABŞ Dövlət Departamentinin saytında məlumat yayılıb.

"Dövlət katibinin müavini Elison Huker 2025-ci il noyabrın 15-dən 21-dək Ermənistan və Azərbaycanda işgüzar səfərdə olacaq", - məlumatda qeyd olunub.

Qeyd edək ki, Elison Huker artıq Ermənistandadır.

O, İrəvanda Ermənistan rəhbərliyi ilə “Tramp marşrutu”nu və Ermənistan-Türkiyə münasibətlərini müzakirə etmək niyyətindədir.

Diplomatı Baş nazir, xarici işlər naziri, Təhlükəsizlik Şurasının katibi və Türkiyə üzrə xüsusi nümayəndə qəbul edəcək.