Ukrayna Quru Qoşunlarının komandanı Aleksandr Sirski rus qoşunlarının Baxmut cəbhəsinin bəzi bölgələrində 2 kilometr geri çəkildiyini bildirib.

Sirski bu haqda sosial media hesabında açıqlama verib:

“Cəbhənin bəzi yerlərində düşmən Ukrayna əsgərlərinin təzyiqinə tab gətirə bilməyib və 2 kilometr geri çəkilib”.

Rusiyanın mayın 9-na kimi Baxmuta nəzarəti ələ keçirəcəkləri ilə bağlı açıqlamalarına baxmayaraq, bunun baş vermədiyinə diqqət çəkən Sirski, “Ukrayna müdafiə qüvvələri cəbhəni etibarlı şəkildə saxlayır və düşmənin irəliləməsinə imkan vermir. Baxmut uğrunda mübarizə davam edir. Ukrayna ordusunun 3-cü hücum briqadası rus qoşunlarına güclü zərbə vurub”, - deyə qeyd edib.