İranın şərqindəki Cənubi Xorasan ostanının Təbəs şəhərində kömür mədənində baş vermiş partlayış nəticəsində ölənlərin sayı 50 nəfəri ötüb.

Bu barədə İranın Mehr agentliyi məlumat yayıb.

“Təbəsdəki şaxtada baş vermiş insident nəticəsində ölənlərin sayı 51 nəfərə çatıb, daha 20 nəfər yaralanıb”, - agentlik bildirib.

Qeyd olunub ki, hadisə yerində xilasetmə işləri davam edir.

***

İranın şərqindəki Cənubi Xorasan əyalətinin Tabas şəhərində kömür mədənində partlayış baş verib. 

“Mehr” agentliyi xəbər verir ki, regionun böhranla mübarizə departamentinin baş direktoru Məhəmməd Əli Axundi partlayış nəticəsində 30 nəfərin öldüyünü bildirib.

Onun sözlərinə görə, partlayış zamanı Tabas kömür mədəninin C və B bloklarında 69 fəhlə işləyirmiş. Bu səbəbdən, ölənlərin sayının artması ehtimalı var. Partlayışdan sonra yanğın olmayıb.

Mədənin 250 m dərinliyində partlayışa səbəb tunellərdə metan qazının cəmləşməsi olub. Hazırda xilasetmə işləri hər biri beş nəfərdən ibarət səkkiz ixtisaslaşdırılmış qrup tərəfindən həyata keçirilir.