28 May - Respublika Günündə Azərbaycanda ilk dəfə AEROKOSMİK yarış-festivalı keçiriləcək.

Pressklub.az xəbər verir ki, bu tədbirə hazırlıq çərçivəsində Binənin Balıqlı göl ərazisində yerləşən "Azersun" istirahət mərkəzində Radiomodelizm təlim-festivalı baş tutub.

İnteraktiv Elm Muzeyinin təşkilatçılığı və “Robotzadə” şirkətinin dəstəyi ilə keçirilmiş təlim-festivalda müxtəlif texniki idman növlərini təmsil edən yerli modelistlər iştirak ediblər. Onlar 30-dan artıq təyyarə və helikopter modeli nümayiş etdiriblər.

Mayın 28-də isə bu uçuş aparatlarına hava və su dronlarının da qoşulacağı bildirilir.