Ukrayna Prezidenti Volodimir Zelenski xalqa müraciət edib.

O, hazırda ölkə tarixinin ən çətin anlarından biri olduğunu vurğulayıb. Onun sözlərinə görə, Ukrayna çox çətin bir seçimlə - ya ləyaqətini, ya da əsas tərəfdaşını itirmək riski ilə üzləşə bilər: “Ya çətin 28 bənd, ya da son dərəcə çətin qış, ən çətin və daha çox risk. Onlar bizdən cavab gözləyirlər, amma mən bunu 2019-cu il mayın 20-də Ukraynanın suverenliyini və müstəqilliyini müdafiə etməyə sadiq olduğumu deyəndə verdim”.

Zelenski 24 fevralda Ukraynaya xəyanət etmədiklərini, bundan sonra xəyanət etməyəcəklərini bildirib.

“Bilirəm ki, xalqım yanımdadır”, - Zelenski qeyd edib.

O, gələn həftə çətin və hadisəli olacağını bəyan edib: “Siz yetkin və məlumatlı bir xalqsınız. Bu müddət ərzində çox təzyiq olacaq. Düşmən yatmır”.

Zelenski Ukraynanın maraqlarının nəzərə alınmalı olduğunu da vurğulayıb: “Biz Amerika və bütün tərəfdaşlarla rahat şəkildə işləyəcəyik. İnandıracağam, alternativlər təklif edəcəyəm, amma şübhəsiz ki, düşmənə Ukraynanın sülh istəmədiyini söyləmək üçün heç bir səbəb verməyəcəyik”.