Rusiya ilə sülh müqaviləsi yalnız Rusiya qoşunlarının 23 fevrala qədər nəzarət altında saxladığı Ukrayna ərazilərinə geri çəkilməsindən sonra imzalana bilər.

Bu barədə “RBK-Ukraina” saytına müsahibəsi zamanı Rusiya ilə danışıqlarda Ukrayna nümayəndə heyətinə rəhbərlik edən David Araxamiya deyib.

“Biz müqavilənin şərti imzalanma mərhələsinə, yaxud mövzunu ciddi müzakirə edəcəyimiz məqama çatsaq, o zaman onlar torpaqlarımızdan getməli olacaqlar. Və onda artıq biz sənədi imzalamaq, baxmaq, yaxud paraflamağa başlayacağıq”, - Araxamiya bildirib.

O, sülh müqaviləsinin hər detalının ayrı-ayrılıqda hazırlandığını, amma kompleks imzalanacağını vurğulayıb.

“Əgər bu olmasa, danışıqlar bütün mənasını itirir”, - Araxamiya qeyd edib.