Ukrayna döyüş arealını genişləndirir: Sərhəddən 800 kilometr aralıda Rusiya aviabazasına hücum olub
05 Dekabr 2022
Rusiyanın Saratov vilayətindəki Engels-2 aerodromuna dron hücumu olub.
Bu aviabazada Rusiya Hava Kosmik Qüvvələrinin strateji aviasiyası (Tu-95 və Tu-160) yerləşir. Bu təyyarələr vaxtaşırı Xəzər istiqamətində uçub, oradan Ukrayna ərazisinə raket zərbələri endirirlər.
Hadisə nəticəsində 2 strateji bombardmançının zədə aldığı bildirilir.
Engels-2 aerodromu Ukrayna sərhədlərindən təxminən 800 km uzaqlıqdadır.
Rusiya strateji aviasiyasının istifadəsindəki Dyaqilevo (Ryazan yaxınlığı) aerodromunda da partlayış baş verib, 3 nəfər ölüb, 4 nəfər yaralanıb. Bu aviabazada da 2 təyyarənin zədələndiyi bildirilir.