Pakistanın Bəlucistan əyalətində mikroavtobusla sərnişin avtobusunun toqquşması nəticəsində azı 12 nəfər ölüb və təxminən 22 nəfər yaralanıb.

“Dawn” xəbər verir ki, bu barədə polisdən bildirilib.

Qəza bu gün Kvetta-Karaçi magistralında Uthal şəhəri yaxınlığında baş verib.

Polisin məlumatına görə, 7 nəfər hadisə yerində ölüb, 5 nəfər isə sonradan xəstəxanada vəfat edib.

Yaralananlar yerli xəstəxanaya çatdırılıb, daha sonra müalicə üçün Karaçiyə köçürülüb. Onlardan yeddisi ağır vəziyyətdədir. Həlak olanların və yaralananların əksəriyyəti mikroavtobusda olub.