ABŞ-nin yeni seçilmiş prezidenti Donald Tramp bildirib ki, o, Rusiya-Ukrayna müharibəsinə son qoymağa nail olmaq üçün Rusiya lideri Vladimir Putinlə əlaqə saxlamaq niyyətindədir.

“Prezident Putinlə danışacağıq və Prezident Zelenski (Volodimir-red), Ukrayna nümayəndələri ilə danışacağıq”, - Tramp deyib.

O vurğulayıb ki, Moskva ilə Kiyev arasında münaqişəni dayandırmaq lazımdır.

Tramp noyabrın əvvəlində “NBC News”a müsahibəsində də Putinlə telefon danışığının mümkünlüyünü istisna etməyib.