ABŞ Ukraynanı dəstəksiz qoymayacaq, bu, sülh nizamlanmasına nail olmaq üçün zəruridir.

Bunu ABŞ-ın yeni seçilmiş Prezidenti Donald Tramp “Time” jurnalına müsahibəsində bəyan edib.

"Razılaşmaya nail olmağın yeganə yolu Ukraynanı dəstəksiz buraxmamaqdan keçir", - o bildirib.

Tramp əlavə edib ki, baş verənlərlə razı deyil.

"Bu hal (Ukraynadakı müharibə-red.) ümumiyyətlə baş verməməli idi", - o deyib.

Donald Tramp İranla müharibənin mümkünlüyünü istisna etməyib. Tramp Tehranla münaqişənin başlama ehtimalı barədə suala belə cavab verib: "Hər şey mümkündür".

Bununla belə, siyasətçi gələcəkdə İrana qarşı hansı addımların atıla biləcəyini dəqiqləşdirməyib.