Dekabrın 3-də səhər Sumqayıtda 13-cü mikrorayonda çoxmənzilli binada baş vermiş partlayış nəticəsində 6 nəfər xəsarət alıb.

TƏBİB-in (Tibbi Ərazi Bölmələrini İdarəetmə Birliyi) məlumatında deyilir ki, üç nəfər xəstəxanaya yerləşdirilib.

Onlar ağır yanıq xəsarətləri alıblar  və yerli xəstəxananın reanimasiya şöbəsinə yerləşdiriliblər. Birinin vəziyyəti ağır, digər ikisi orta ağır qiymətləndirilir.

Öz növbəsində Fövqəladə Hallar Nazirliyi  daha üç nəfərin dağıntıların altından çıxarıldığını və aidiyyatı üzrə təhvil verildiyini bildirib.