Moldovanın separatçı şərq bölgəsi olan Dnestryanıda regional radio yayım mərkəzində partlayış olub.

Bu barədə tanınmamış separtaçı bölgənin "Daxili İşlər Nazirliyi" məlumat yayıb.

Bildirilib ki, aprelin 26-da səhər tezdən Qriqoriopol rayonunun Mayak kəndində iki partlayış baş verib. Birinci partlayış saat 06:40-da, ikinci partlayış isə saat 07:05-də qeydə alınıb və nəticədə Rusiya radio proqramlarını təkrar yayımlayan iki radio antenna məhv edilib.

Sakinlərdən xəsarət alan olmayıb.

Sosial şəbəkələrdə məhv edilmiş radio qüllələrin əks olunduğu təsdiqlənməmiş şəkil yayımlayıb.