Eks-prezident Mixail Saakaşvili hazırda Gürcüstanın kapitulasiya elan etdiyini və praktiki olaraq müttəfiqsiz qaldığını bildirib.

Bu barədə Saakaşvili Feysbuk hesabında bildirib.

O deyib ki, Gürcüstanın xilası məsələsini yenə də gürcü xalqı öz əlinə almalıdır:

"Hazırda Gürcüstanın təmamilə kapitulasiya elan etdiyi və praktiki olaraq müttəfiqsiz qaldığı bir vaxtda, bu məsələ ilə bağlı dünyanı oyada biləcək bir şəxs kimi mən, əsir götürülmüşəm. Mənim yeganə ümidim Ukrayna Silahlı Qüvvələridir, hansılar ki, Donetsk və Luqanskın ərazilərinin təmamilə tutulmasına imkan verməməlidirlər. Bu zaman Çxinvali və Ukraynanın bölgələrinin birləşdirilməsi öz mənasını itirimiş olur. Həmçinin, jurnalistlər və siyasətçilər gürcü xalqına başa salmalıdırlar ki, kapitulasiya siyasəti təmamilə məhv olmağa aparır və Gürcüstanın xilası məsələsini yenə də gürcü xalqı öz əlinə almalıdır", - Saakaşvili qeyd edib.