“Qazprom” Ermənistana qaz nəqlini müvəqqəti dayandıracaq.

Ermənistan mətbuatı xəbər verir ki, bu barədə “Qazprom Armenia” məlumat yayıb.

Bildirilib ki, “Şimali Qafqaz-Cənubi Qafqaz” əsas qaz kəmərində planlaşdırılmış təmir işləri ilə əlaqədar 18-19 oktyabr tarixlərində Ermənistana qaz tədarükü müvəqqəti dayandırılacaq.

Bu müddət ərzində istehlakçıların qaz təchizatı daxili ehtiyatlar hesabına məhdudiyyətsiz həyata keçiriləcək.

Qeyd edək ki, “Qazprom” Ermənistana təbii qazın yeganə tədarükçüsüdür.