Futbol üzrə Azərbaycan Premyer Liqasında XIV tura yekun vurulub.

Turun son matçında "Sabah" "Qarabağ"ı qəbul edib. "Bank Respublika Arena"da oynanılan görüş qolsuz heç-heçə ilə başa çatıb.

Cari mövsüm ölkə çempionatında ilk dəfə xal itirən "Qarabağ" hazırda turnir cədvəlinə başçılıq edir. Ağdam klubunun aktivində 40 xal var. Liderdən 5 xal geri qalan “Sabah” isə 2-ci pillədə qərarlaşıb.

Bu gün baş tutan “Kəpəz” - “Turan Tovuz” görüşündə də qapılara qol vurulmayıb.

Qeyd edək ki, turun əvvəlki oyunlarında "Şamaxı" evdə "Sumqayıt"a 4:2, "Zirə" "Səbail"a 1:0, "Neftçi" "Qəbələ"yə 2:0 hesabı ilə qalib gəlib.