ABŞ Avropanın müdafiəsinə maliyyə dəstəyi göstərdiyi dövrə son qoyur və müttəfiqlərindən müdafiə xərclərinin daha ədalətli bölüşdürülməsini tələb edir.

Bunu ABŞ-ın müdafiə naziri Pit Heqset Rod-Aylend ştatının Nyuport şəhərində yerləşən Hərbi Dəniz Kollecində çıxışı zamanı bildirib.

Onun sözlərinə görə, Prezident Donald Trampın “Əvvəlcə Amerika” xarici siyasət konsepsiyası və 2026-cı il Milli Müdafiə Strategiyası çərçivəsində Vaşinqtonun son 80 ildə dövlət siyasətini müəyyənləşdirən yanaşmaları yenidən nəzərdən keçirilib.

“Məsələn, biz Avropa ilə münasibətlərimizə yenidən baxırıq, müdafiənin subsidiyalaşdırılması dövrünə son qoyuruq və müttəfiqlərimizdən məsuliyyət yükünün real şəkildə bölüşdürülməsini tələb edirik”, – Heqset vurğulayıb.