Rusiya prezidentinin sözçüsü Dmitri Peskov bildirib ki, Rusiya "xalq respublikaları" onların elan etdiyi sərhədlər daxilində tanıyır. Bu barədə KİV-lər xəbər verir.

"Onların elan edildiyi və mövcud olduğu sərhədlər daxilində", - o vurğulayıb.

Qeyd olunur ki, əslində, bu o deməkdir ki, "respublikalar" faktiki olaraq tutduqları ərazilərdən təxminən 70% böyük olan “köhnə” sərhədlər daxilində tanınırlar – onların qalan hissələrinə faktiki olaraq Ukrayna nəzarət edir.

Daha əvvəl qondarma "Luqansk Xalq Respublikası" bəyan edib ki, Ukrayna könüllü olaraq qoşunlarını “işğal olunmuş ərazilərdən” çıxarmalıdır. Bu baş verməsə, “sülhün və ərazi bütövlüyünün bərpasına imkan verəcək qərar qəbul ediləcək”.