Amerika kəşfiyyatı yeni iddia ilə çıxış edib.

İddiaya görə, Moskva administrasiyası Ukraynadan Luqansk, Donetsk və Xersonu ilhaq edəcək və saxta referendumlar keçirərək bu bölgələrdə Rusiyaya bağlı “oyuncaq rəhbərlər” yerləşdirəcək.

Bu iddia ilə ABŞ-ın Avropa Təhlükəsizlik və Əməkdaşlıq Təşkilatındakı səfiri Maykl Karpenter çıxış edib.

O, bəyan edib ki, Moskvanın nəzarətində olacaq “marionet liderlər” bu bölgələri ələ keçirərək Ukraynaya nəzarət etməyə çalışacaqlar.

Qeyd edək ki, artıq Donetsk və Luqanskda belə oyuncaq "hökumətlər" fəaliyyət göstərir. Onların hansı formada dəyişəcəyi maraq doğurur.

Maykl Karpenter bəyan edib ki, Rusiyanın planı uğurlu olmaya bilər.

Qeyd edək ki, Donetsk və Luqansk qismən rusiyayönlü separatçı qüvvələrin nəzarətindədir. Xerson martın 15-dən Rusiyanın nəzarəti altındadır.