Mini futbol üzrə Azərbaycan millisi bu gün Avropa çempionatında final oyununa çıxıb.

Slovakiyanın Koşitse şəhərində keçirilən həlledici qarşılaşmada komandamızın rəqibi Rumıniya olub.

İkinci hissədə rəqibin təzyiqinə baxmayaraq, qapısının toxunulmazlığını qorumağı bacaran yığmamız 1:0 hesablı qələbə qazanaraq, 10-cu dəfə təşkil edilən Avropa çempionatında ilk çempionluğuna yiyələnib.

Qeyd edək ki, Azərbaycan millisi Avropa çempionatının yarımfinalında Qazaxıstanı 3:2 hesabı ilə məğlub edib.