Ukraynalı fotojurnalist Maksim Levinlə əlaqə kəsilib. Bu barədə UNİAN Levinin dostu Markiyan Liseyko və jurnalist Olena Maksimenkoya istinadən xəbər verir.

Onların sözlərinə görə, sonuncu dəfə Levinlə martın 13-də əlaqə saxlaya biliblər. Həmin gün o, müstəqil şəkildə döyüşləri lentə almağa gedib.

"Maksın işlədiyi ərazidə şiddətli döyüşlər başlayıb, ehtimal olunur ki o, yaralana və ya əsir düşə bilərdi", - Maksimenko yazır.

Maksim Levin Reuters, BBC və Associated Press kimi bir çox beynəlxalq media qurumları ilə fotojurnalist və sənədli fotoqraf kimi çalışıb.