Kollektiv Təhlükəsizlik Müqaviləsi Təşkilatının (KTMT) sülhməramlı kontingentinin əsas missiyası başa çatıb. İki gündən sonra kontingentin Qazaxıstandan mərhələli şəkildə çıxarılmasına başlanılacaq.


Bu barədə Qazaxıstan Prezidenti Kasım-Jomart Tokayev bildirib.


O, qoşunların çıxarılmasının 10 günə başa çatacağını əlavə edib.


Xatırladaq ki, son hadisələrlə bağlı Qazaxıstana üzvü olduğu KTMT-nin Rusiya, Belarus, Tacikistan, Ermənistan və Qırğızıstandan olan sülhməramlı kontingenti yerləşdirilib.