Yay - kondisionerin istiliklə mübarizədə əvəzolunmaz köməkçi olduğu bir mövsümdür. Lakin, düzgün olmayan istifadə bu vacib cihazın xidmət müddətini əhəmiyyətli dərəcədə azalda bilər.

RBK qaçınılması lazım olan altı ümumi səhvi açıqlayıb.

Tez-tez yandırıb söndürmək

Bir çoxları evdən çıxarkən kondisioneri söndürməyin qənaətli olduğunu düşünür. Əslində, bu cihazın yeyilməsinə səbəb olur. Ən düzgünü onu isti mövsümün əvvəlində yandırmaq və yalnız sərinlik gəldikdə söndürməkdir. Beləliklə, kondisioner daha səmərəli işləyəcək, elektrik enerjisi istehlakını azaldacaq və sabit temperaturu qoruyub saxlayacaq.

Yanlış quraşdırma

Çoxotaqlı mənzil üçün bir kondisioner quraşdırmaq səhvdir. O, bütün otaqları soyuda bilməyəcək.

Açıq pəncərə və qapılar

Açıq qapı və pəncərələr rütubətin evin içərisinə daxil olmasına və soyuq havanın çıxmasına imkan verir. Kondisioneriniz bunu kompensasiya etmək üçün daha çox işləməli olur ki, bu da əhəmiyyətli enerji xərclərinə səbəb olur. Kondisioner işləyərkən həmişə qapı və pəncərələri bağlı saxlayın.

Gücünü yanlış seçmək

Kondisioner otağın sahəsinə, texnikanın və insanların sayına uyğun olmalıdır. Məsələn, günəşli tərəfdə olan 21 kvadratmetr otaq və dörd nəfərlik ailə üçün "yeddili" deyil, "doqquzlu" gücündə kondisioner lazımdır.

Yalnız nasazlıq zamanı xidmət

Kondisioneri mövsümün əvvəlində və sonunda təmizləmək və doldurmaq lazımdır, yalnız xarab olanda deyil. Bu, onun xidmət müddətini uzadacaq.

Təmizləməmək

Xarici blokda olan çirk və zibil kondisionerin səmərəliliyini azaldır. Onu müntəzəm olaraq təmizləyin.