İranda bir neçə xarici diplomat casusluqda şübhəli bilinərək İslam İnqilabı Keşikçiləri Korpusu (İran Silahlı Qüvvələrinin elit bölmələri - “SEPAH”) tərəfindən saxlanılıb.

Bu barədə “Reuters” agentliyi məlumat yayıb.

Saxlanılan şəxslər arasında Britaniyanın İrandakı diplomatik nümayəndəliyinin rəhbərinin müavini də var.

Diplomatların həbsdə olub-olmaması məlum deyil.

Lakin “Sky News“ məlumat yayıb ki, Britaniya Xarici İşlər Nazirliyi İranda britaniyalı diplomatın həbs olunmasını təkzib edib. Digər diplomatlarla bağlı məlumat yoxdur.