“Tesla”nın qurucusu və baş direktoru İlon Mask şirkətin 7,9 milyon səhmini ümumilikdə 6,9 milyard dollara satıb.

Səhm satışı iş adamının “Twitter”i 44 milyard dollara satın almaqdan və sonrakı məhkəmələrdən imtina etməsindən həftələr sonraya təsadüf edir.

Müqaviləni bağlamaq məcburiyyətində qalacağı təqdirdə milyarderin pula ehtiyacı ola bilər.

Mask sosial media hesabında bir istifadəçinin sövdələşmə baş tutmasa, səhmləri geri alıb-almayacağı ilə bağlı sualına “hə” deyib.

Son on ayda iş adamı “Tesla”nın təxminən 32 milyard dollarlıq səhmlərini satıb. Bundan əvvəl, aprelin sonunda bu, təxminən 8,4 milyard dollarlıq paket idi. Bundan sonra “Tesla”nın rəhbəri artıq qiymətli kağızlar satmağı planlaşdırmadığını açıqlayıb.

İndi Maska məxsus “Tesla” səhmlərinin həcmi 155 milyondur. NASDAQ-da səhmlər 2,44% ucuzlaşaraq 850 dollara düşüb.