Beynəlxalq Futbol Tarixi və Statistikaları Federasiyası (IFFHS) 2022-ci ilin ən yaxşı baş məşqçisini açıqlayıb.

Bu ada Argentina millisinin çalışdırıcısı Lionel Skaloni layiq görülüb.



45 yaşlı mütəxəssis 240 xalla digər həmkarlarını qabaqlayıb. İkinci yeri Fransa yığmasının baş məşqçisi Didye Deşam (45 xal) tutub. İlk “3-lüy”ü 30 xalla Mərakeş seçməsinin çalışdırıcısı Valid Reqraqi tamamlayıb. Bununla tarixdə ilk dəfə Afrika təmsilçisinin baş məşqçisi ilk “üçlüy”ə düşə bilib.

Qeyd edək ki, Lionel Skaloni ötən il Argentina yığmasına dünya çempionluğunu qazandırıb.

Yer	Baş məşqçi	Komanda	Xal
1	Lionel Skaloni	Argentina	240
2	Didye Deşam	Fransa	45
3	Valid Reqraqi	Mərakeş	30
4	Zlatko Daliç	Xorvatiya	20
5	Hajime Moriyasu	Yaponiya	15
6	Lui Van Qal	Niderland	10
	Qreqq Berhalter	ABŞ	10
8	Herve Renar	Səudiyyə Ərəbistanı	5
	Tite	Braziliya	5
	Paulu Bentu	Cənubi Koreya	5