ABŞ-da "Google" şirkətinin keçmiş əməkdaşı şirkəti qaradərili işçilərə qarşı irqi ayrı-seçkilikdə ittiham edərək, onu məhkəməyə verib.

Bu barədə "Reuters" agentliyi Kaliforniya ştatının Şimal dairəsi üzrə federal məhkəməyə verilən vəsatət istinadən bildirib.

İddiaya əsasən, "Google" qaradərili işçiləri aşağı ixtisaslı işlərə göndərməklə ağdərili kişilərə üstünlük verir. Bildirilib ki, şirkətin qaradərili əməkdaşları düşmən iş mühiti ilə də üzləşiblər.