Ermənistan ordusunun əsgəri hərbçi yoldaşı tərəfindən güllələnərək qətlə yetirilib.

Bu barədə Ermənistan mətbuatı xəbər verir.

Məlumata görə, hadisə dünən saat 19:20 radələrində baş verib. Belə ki, N saylı hərbi hissənin müddətli həqiqi hərbi xidmət hərbi qulluqçusu, 2002-ci il təvəllüdlü Samvel Sedrak Sanoyan hərbçi yoldaşı tərəfindən güllələnib.

Sanoyan xəstəxanaya aparılarkən yolda ölüb.

Hadisənin başvermə şəraitinin müəyyənləşdirilməsi üçün araşdırma aparılır.