Cari ilin yanvar ayında Azərbaycan əhalisi tərəfindən bank kartları ilə elektron ticarət (e-ticarət) şəbəkəsində 919,6 milyon manat həcmində ödəniş həyata keçirilib.

Buniunla bağlı Azərbaycan Mərkəzi Bankı məlumat yayıb.

Mənbə qeyd edir ki, bu, ötən ilin yanvar ayı ilə müqayisədə 2,6 dəfə çox olsa da, ötən ilin dekabr ayında qeydə alınmış tarixi maksimum ilə müqayisədə isə 14,6% azdır.

Qeyd edək ki, 2021-ci ildə əhali e-ticarət şəbəkəsində 7,208 milyard manat həcmində ödənişlər həyata keçirib, bu da 2020-ci illə müqayisədə 86% çoxdur.